Home » Penelusuran BERITA VIRAL

Carane Ngusir Manuk Emprit Nang Sawah

Nang postingan saiki aku arep nyoba ngandhani teknik sing di enggo tanggaku Ben kepiye carane ngusir manuk emprit utowo burung Pipit sing mencok nang tanduran pari.

Biasane nek wes wayah mrekatak utowo pari lekas njedul, akeh manuk emprit sing arep nggolek pangan nang Kono. Kanggo manuk emprit pancene nyenengke, dheweke iso wareg mangani pari, Ning kanggone pak tani Yo nyusahke mergane parine marai rusak tur hasile yo sudo. Opo maneh yen manuk kuwi mau le teko gerombolan sak erap-erap, lha dalah pari sak sawah iso entek nek ora cepet di tangani.

Terus piye resep sik di saranke karo tanggaku kui mau? Nalikane uji coba kui mau pancene ono hasile, Yo iku manuk pada mebur, terus ora gelem teko maneh. Ning carane kudu ngati-ati, mergone iso-iso dudu manuk emprit sing kena usir malah manuke dewe sing kepanasan megap-megap.

Wis ngene Ki wae tak ceritani, wektu iku tanggaku pernah cerita yen arep ngusir manuk emprit ben supayane kapok ora gelem moro meneh nyang tanduran yoiku goleko balsem g*liga utawa reumason, banjur balsem sing panas kui mau di jur ngasi cair. Mari ngono di campur karo banyu resik sing nang tanki semprot terus di udak-udak ngasi roto. Banjur di semprotke nang tanduran pari kui mau.

Aku wis ngomong yen arep nyoba kudu ngati-ati, mergane nate kedadean wektu tanggaku kui mau nyoba meraktekake di nggo nyemprot tanduran nang sawah selang semprot kui mau bocor ndilalahe malah nelesi kathok sing di nggo wektu kui. Lha banjur wonge kui mau ngoling ngoling marai geger wong sak RT mergane gak tahan seko panase balsem sing nelesi kathok karo manuke kui mau. Lha banjur mulih ketuk ngomah langsung wudo karo ngadep kipas, mergo manuke kepanasen banyu balsem kui mau.

Lha tanggane liyane sing krungu kahanan kui mau rak yo ngguyu kepingkel pingkel. Dudu manuk emprit sing di usir malah keno manuke dewe sing kepanasan mergo keno banyu balsem.

Lha poro wargo tani, carane kui mau yo patut di coba. Mergone wis sempet iso di buktekne yeng nganggo balsem g*liga kui mau iso ngusir manuk emprit sing nganggu tanduran pari panjenengan. Matur suwun.

Azab Mergo Sering Nyruput Kopine Koncone,Viral nang Facebook

Ono foto sing sempet viral nang group Facebook, jarene goro-goro kulino nyruput kopine koncone.

Lha nek ngene ki rak yo medeni to, mosok mergo nyruput kopine koncone. Lha mungkin sing di sruput kuwi kopi sing di rubung semut, banjur nyonyor cangkeme.

Haha ono-ono wae....

Wong Tani Sukses Seko Nandur Lombok

Wong Tani Sukses Seko Nandur Lombok

Seko berita Jawa Post - Pensiun seko gawean pegawe negeri ora marai Imam Kusno mandeg seko usahane nguripi anak bojone. Wong lanang sing sakdurunge kerjo dadi guru kuwi mau malah sukses seko nenandur wit lombok. Asile malah ngluwihi seko nyambut gawe sakdurunge sing dadi PNS. Iki ulasane, banjur woconen...

Wis 4 taun Imam sregep nandur lombok lokal, dheweke nandur komoditas sing saiki regane lagi duwur kuwi nang sawahe sing jembare kiro kiro sak hektar ning deso Naai Raya, Kecamatan Arut Selatan, Kabupaten Kotawaringin Barat, Kalimantan Tengah.

Kisah Petani Cabai Sukses, Untungnya Menggiurkan
Dodolan Lombok

Setaun, ngakune Imam iso entuk untung ngasi 100 juta rong panenan. Kuwi mau di lakoni dewe ora ono sing nrewangi. Rego lombok wektu kuwi ngasi 150 ewu sak kilone,

"Sing awak dewe tandur kuwi mung seprapat hektar wae, sekitar limang batang wae. Nek nganggo tenogo dewe mung Rp 3000 rupiah per wit biayane ngerawat ngasi wayah panen" Jarene Imam naliko di parani nang tegalane.

Mung jarene Imam nandur lombok kuwi mau ibarate koyo momong bayi, kudu tekun ora mung di jarne wae. Pas wayahe panen, tengkulak podo moro nang omahe. Dheweke ngedol Rp 125 ewu per kilo.

"Tergantung seko kualitas bibite, biasane rego normal mbiyen sak durunge mundak mung Rp 20 ewu tekan Rp 40 ewu per kilo" jarene.

Imam ngomongke nek rego lombok mundak nang pasaran mergo cuacane sing ora tentu. Kuwi mau ngarai omo lombok, koyo jamur, lan omo liyane sing gampang nulari. Sing di wedeni pak tani yo kuwi nek udan wayah awan, mergane jamur akeh sing do mekrok. Mergane kuwi sak bare udan wit lombok kudu di semprot.

"Marai kasil opo ora kuwi tergantung cuaca. Luwih apik nek musim panas sisan luwih apik. Nek wayah udan nandur lombok jamur akeh banget, patek yo akeh. Mangkane sedino ping pindho kudu di semprot supayane ora gagal panen" Jarene.

Liyane kuwi, Kasi Produksi Hortikultura Dinas Tanaman Pangan, Hortikultura dan Perkebunan Kabupaten Kobar Legiman ngomong nek wong tani Kobar paling akeh sing nang Kecamatan pangkalan Lada lan Arut Selatan. Lombok lokal nang kobar iso nyukupi pasar.

"Salong di pasok seko jowo, saiki lombok pasaran wes mlai di suplai seko wong tani lokal tur kualitase yo apik" Jarene

Pengen Ngerti Carane Wong Nyebrang Dalan Sing Marai Ngakak!


Deloken carane wong iki nyeberang nang ndalan gede sing rame banget, ndisike wong kuwi mung maju mundur bingung le arep nyeberang. Gandeng dalane rame banget wong lanang iki banjur nggolek inisiatif  ben kepiye carane iso nyeberang.

Banjur wong kuwi mau ngento' ben di kiro uwong lagi loro sikile terus mberangkang karo nyebrang dalan.


Banjur mobil sing arep liwat kuwi mau mandeg terus nulungi menehi dalan karo wong kuwi mau sinambi nahan kendaraan liyane, ngasi wong kuwi mau tekan pinggir dalan. Nanging wong sing nyebrang kuwi mau terus mlayu rikat. Lha sing nyebrangne banjur misuh-misuh mergane kapusan karo wong nyeberang kuwi mau. Hehehe... ono-ono wae akale wong kuwi.

Viral, Video Bule Golek Siso Panganan Nang Bak Sampah

Berita sing sempet viral nang jejaring social koyo facebook, yo kuwi ono sawijining video seko youtube sing marai uwong-uwong podho gumun. Isi video kuwi babagan bule kere sing nggolek sisone panganan nang bak sampah. Bule sing lagi plesiran nang Bali kuwi mau, mbuh kentekan duwit, grayah -grayah nang bak sampah golek panganan ning kawasan wisata Sanur, Denpasar, Bali. Vdeo kui mau terus dadi rerasan uwong-uwong sik gumunan. Nang video sing durasine 17 detik kuwi, bule kuwi mau lagi asyik gegrayahan nggolek panganan nang bak sampah. 

Wisatawan bule sing durung di ngerteni jenenge mau, ketoro deweke nggowo tas koper terus pindah-pindah panggonan karo mangan panganan siso sing di guwang nang bak sampah kuwi mau. Aksi bule kuwi mau nggarai heboh sak kiwo tengene wong Bali, mergane biasane nek bule teko mrono mung arep plesir lha kok mlah dadi koyo wong kere.

Falsafah Urip Wong Jowo Sing Gawe Tentrem Nang Ati

Neng artikel iki sak liyane nambah ngelmu siro ugi pengin melestantunaken budaya jawi ingkang sampun di pun lali aken, njih puniko pitutur lan maknanipun, kagem tiyang jowo pangandhikan menika anggadhahi makna panguripan dados kedah ngati-ngati anggene ngendika lan njagi unggah-ungguhipun.

Boso jowo punika persis kaliyan boso yunani ingkan kathah ngilmu sastranipun lan filosofi ingkang migunani kangge tentreming urip, Panjenengan sampun mangertosi piyambak wonten ing tanah jawi meniko kathah tiyang ingkang kondang amargi unggah ungguhipun anggenipun ngajeni tiyang sanes.
Falsafah Urip Wong Jowo Sing Gawe Tentrem Nang Ati
Salah satu falsafah jawa
Ing jaman saiki ingkang sampun modern kathah tiyang jowo ananging sampun mboten remen kaliyan budaya jowo, kadhos jaman saiki wonten unen-unen "WONG JOWO RA NJAWANI" utowo " WONG JOWO ILANG JAWANE" iku ingkang ateges tiyang jowo puniko sampun kesupen kaliyan jiwo jawanipun amargi sampun kathah lare lare enom punika kenging dampak saking budaya modern saking luar nagari kadhos boso gaul puniko.

 Kedahipun panjenengan wedi kaliyan budaya lan filosofi jowo mbok menawi samangkeh ical saking pagesangan kita sedaya, lan kulo panjenengan sami sampun mboten pantes di pun sebat tiyang jawi. Kagem tiyang jawi puniko olahan kata sampun dados ciri khas, kados mekaten " aku iki mung lempung di kek'i nyowo" nek boso indonesiane "aku ini hanya tanah liat yang di beri nyawa", iku artine nek tiyang niku andhap asor kaliyan tiyang sanes.

Lha iki, saiki aku arep mbagekake 5 filosofi sing sering di gunakake tiyang jowo kagem cekelan ing pagesangan, mbuh kuwi kagem tiyang sanes utawi kanggo awake dhewe. Mugi saged kangge nambah wawasan kulo lan panjenengan sami.

1. Sura Dira Jayaningrat, Lebur Dening Pangastuti

Ukoro kasebat cekak nanging kathah makna ingkang jeru kagem tiyang jowo, njih puniko kabeh sifat iri, atos atine, sifat ingkang dursila, ora ngajeni tiyang sanes saged di pun atasi kanthi Sabar, Ikhlas, lan Bijak. Dados menawi tiyang jowo meniko pikantuk sifat ingkang dursila utawi jahat saking tiyang sanes utawi wonten ati ingkang atong ing piyambakipun kudu sabar lan bijak.

2. Aja Kuminter Mundak Keblinger, Aja Cidra Mundak Cilaka

Kanggo wong jowo sifat merendah iku wis di pun ajaraken kaliyan lingkungan lan tiyang sepuh, kados unen-unen iku sing artine Ojo rumongso pinter mergane engko ndak salah arah, tur ojo ngapusi mengko ndak ciloko. Kanggo wong liya iku yo iso di nggo cekelan mben dinten.

 3.Nerimo ing pandum

Nek sing iki kerep di nggo sedino-dino, sing artine sikap sing Jujur, Ikhlas, enteng ing gaweane, nompo opo anane, rumongso cukup lan syukur. Nek sampeyan ngerti wong jaman mbiyen mesti urip kuwi tenang, santai, tentrem, tur nrimo.

4. Aja Adigang, Adigung, Adiguno

Nek dudu wong jowo mesti di anggep lucu, nanging nek ngerti artine sing jeru yo iku Jogo kelakuan / toto kromo, unggah-ungguh, ojo sombong nek duwe kekuatan,kedudukan, opo maneh pangkat, opo latar bekangmu. Mergane kowe kuwi podo aku nek ngising yo mambu... Dadi ora perlu ngremehke wong liyo, jogo toto kromo unggah ungguh.

5. Wong jowo iki gampang di tekuk – tekuk

 Nek kuwi paribasane wong jowo kuwi gampang berbaur, iso nompo lingkungane sak kiwo tengene, ngajeni adat lan sifate wong liyo.

Kuwi mau  filosofine wong jowo sing saiki mulai luntur mergo jaman soyo modern. Mugo mugo wae anak putune awak dhewe ojo ngasi leno seko perubahane jaman. Tetep Eling Lan Waspodo.

Wes sek yo... Arep Turu sek..

Back To Top